زعلان لڪن عارف شلون اراضيڪ
ماحد غيري يعرف بطبع خلي
اعرفڪ إلا منڪ تضايقت واشفيڪ؟
ماعاش من زعل حبيبي وڪلي
من نظرتڪ من هيئتڪ وتغليڪ
اقرأ ملامح ضيقتڪ لا تقلي
ادري علي زعلان لڪن اوريڪ
شلون ترضى يا بعد ڪل من لي
ملح الحياة اني اضمڪ واخليڪ
وش هي الحياة بدون جد وتسلي؟
ساعات لي خاطر اجيبڪ ووديڪ
وارفع حرارة حبنا بالتغلـــــي
اقول ماحبڪ وما ابيڪ ..مابيڪ
عشان اغيضڪ بس وافشي غلي
لڪن حقيقه اني اهواڪ واغليڪ
ومحبتي لـڪ مابـعدها تخلي
ودي احطڪ وسط عيني واغطيڪ
عشان ماتبعد عن العين ملي
اذا غاب حسڪ نبض قلبي يناديڪ
بشتاق لڪ بالحيل يابعد ڪلي
اقعد انا والشوق دايم بطاريڪ
افڪارنا مابين ربط وحلــــــي
زعلان مني ڪل ڪلي يراضيڪ
ماحد غيري عارف بطبع خلي
يالله تبسم يالله ذبحني تغليڪ
يڪفي حبيبي (مد بوز ) وتغلي
موضوع: يكفي ( مد بوز) وتغلي 
