يوم القيامه....>>>>

يا مالك الملك .. يالواحد .. شديد العقاب
ياغافر الذنب .. يامرسل رسولك نذير
ياخالق الخلق .. يامحصي الخطا والصواب
تعالت أسمائك .. مالك في صفاتك خشير

يامحيي الأرض بأمرك من حمول السحاب
ياعالم ٍ بالحياة ومايؤول المصير
ياجامع الناس في يوم الحشر والحساب .
مافيه فرقٍ هذا تاجر وهذا فقير

كل الخلايق سوا إلا بحمل الكتاب
لاشخصت أبصارهم يوم النهار العسير
أحدٍ فتح له كتابه صوب جنتك باب
وأحدٍ هوى به كتابه للسخط والسعير

يارب .. رحمتك .. لاهلوا علي التراب
وأصبحت مالي عن الوحشه مفر ومصير
وأقفوا ولدموعهم فوق الخدود إنسكاب
وأسمع قريع أحذيتهم ف الوداع الأخير

ودخلت في عالم البرزخ .. وطال الغياب
وفارقت كل القرايب والأهل والعشير
وجوني ملايكتك اللي للعمل والعذاب
واستسلمت نفسي لمنكر .. وجاني نكير

في موقفٍ للسؤال .. يزيد ثقل الجواب
إلا برحمتك .. ياللي بالخفايا خبير
يارب .. حملت نفسي بالشقا والعتاب
ومديت حبل الخطا لإبليس .. وأصبحت أسير

وطاوعتها في متاهات الوهم والسراب
لين أشبكتها الخطايا شبك .. والنفس طير
أزل .. وأقول أنا توني بسن الشباب
وإليا نصحني محب .. أقول توي صغير

ما كنت أحسب لوقتي والليالي حساب
ولا كنت أفكر وش اللي في زماني يصير
إلا بعد مانصفت العمر .. والراس شاب
وفقدت من ربعي جمعٍ غفير

عرفت بأن .. الحياه مصارعه وإكتئاب
وإني مودع .. ولا لي غير ربي نصير
ومن لا تزهب من التقوى لنفسه زهاب
لا مات .. وش حجته يوم النهار الكبير؟

ف الموقف .. اللي مافيه مجادله وإنسحاب
من هول هاك النهار .. يشيب راس الغرير
لكن .. ليا أذنب إبن آدم .. وإعترف .. ثم تاب
الله يغفر الذنوب .. وينصر المستجير

الله يجمعنا برحمته آمييييييييين..

(يارب.. رحمتك..لا هلو علي التراب)

من جد حلو التذكير..

الحلو مرورك ولله مشكوره قمه