كيفكم
عاد تصدقون اني جالسه اكتب الموضوع هذا اللي بعد ماقررت وش بيكون.جالسه
رجل على رجل واطق ع الكيبورد بيد واحده<<< اخس يالثقه
بس انا ودي افضفض واطلع من القهر اللي فيني
المهم ارجع حق موضوعي
انا مو قاهرني الاهذولا المشعوذين اللي يحطون لهم برامج من الصبح والغريب ان
اللي يتصل عليهم شباب مع اني اخبر انهم يطيحون بالسهر طول الليل وبالنهار
منخمدين . لكن للضروره احكام دام السالفه فيها علم الله"استغفرالله بس" وغير
كذا يخربون عقلية عجزنا اللي يقومون من فجرالله يناظرون الاخبار العاجله على
قناه الجزيره يعني انا وحدي اخاف على جدتي من الغزو الفكري"ههه" فإفرض انه
جا على بالها تغير القنوات وسقطت يدها على قناه من القنوات اللي تزعم انها
تخاطب العقول النيره
اضرب مثال: الالوسي اللي يجي على قناه عربيه بلندن بخاطري اقتنع انه من
جد ساحر وكلمه مشعوذ تخب عليه بعد لا والمشكله كثره الاتصالات عليه ويضطر
المخرج مدري مساعده انه يقطع بعضها عشان يستلم المهابيل اللي ينتظرون
عالخط..
اجل انا في الشرق وهو بالغرب ويقول ارفعي كتفك اليسار عشان اقراها ولا
السي آي آي الحمد لله والشكر اللي مشجعينه على كذا ومعطينهم وجه
ومقابلات وصور لهم مع فنانين نحسبهم عاقلين طلع مااحد عاقل وعز الله انهم
صدقوا يوم رفعوا شعار "نخاطب العقول النيرة" لكن نسوا يكملون "بعد ما قطعت
عنهم الكهرباء"
![]قمة الوناسة[](https://2img.net/u/3213/17/01/32/avatars/82-98.gif)
موضوع: العقول النيرة.. 
