أشـــكـــال!!

مستطيل"

مجالس العائله دوما كبيرة وتضم اشكالا والوانا من الناس

والناس =عقليات طب وتخير

مجالس الرجال<< ابو فهد يعرض قضيه اجتماعيه مهمه ..محمد يتكلم مع صالح

عبدالله يعارض ابو فهد علشان كذا يلتفت سعد اللي يايده ..طلال يناقش قضيه

ثانيه مع عبدالله..عبد العزبز موزع وقته بين سلطان وبدر .. فيصل يجرب موبايل

عبد الرحمن الجديد وبندر والشله يتابعون اليسا ونواف يقةل حطو على نانسي

وطبعا ابو فهد ماسمع شي اخذ الريموت وحط على الجزيرة

مجالس الحريم<<الفصفص وترامس الشاهي وسط المجلس والنساء في تحلق

جمييييييل.. مها تطرح موضوع الوظائف وامها تسكتها خالتها الجوهرة تقول البنت

مالها الا بيت رجلها هيفاء مطنشتهم وجالسه تحكي مع لمى عن دورات

الكمبيوتر اللي ناوين يدخلوها.. نوره مكشره وعاقده حواجبها وكل شوي تقول

طفش نوف وساره يتكلمون بالجامعه امل ووفاء ذابحتهم الازياء وعبير ماسكه

الجوال ترسل مسجات لصديقاتها

وطبعا المجالس العائليه مازالت مستطيله حتى تتسع للاصوات النسائيه..



دائره"

فيه احد منكم قد راح للملاهي او مدن الترفيه ؟

او حتى ركب مرجيحه اعتقد ان الكل تلذذ ببراءة الطفوله

يوم كنا صغار.. كانت الدنيا كلها ملعب كبير ونحن الابطال ..ورغم ان كثرة الاخطاء

اللي تصير الا ان لعبه المرايا اللي نلعبها دايما نلقى فيها مخرج نقدر نطلع منه

يعني الباب دايم موجود ..كبرنا واعتقدنا اننا راح نلقى الف باب وباب لكن يبدو

اننا سنظل ندور وماراح نلقى ولو شباك نطل معه ..فعشان كذا ظن اليعض ان

الرقص على انغام الموسيقى وصوت عتاب افضل الف مرة من البحث عن زاويه

للجلوس فيها والبكاء وهو متاكد ان الدائرة لن تخلق له زوايا للجلوس

وداره دوري فينا

مربع"

الساعه تشتر الى السادسه مساء وانا وابوي "اللي هو حاكم

هذا الكوكب بيتنا" كنا جالسين نناقش امور الرعيه وتحديات المستقبل "والله من

الصدق " ابوي قرر انه يصنع من نفسه (قريندايزر) عشره ملايين نسخه وذلك

للحمايه الشخصيه فقط .تعرفون ابوي ديموقراطي ويؤمن بحريه الفرد في ابداء

رأيه<<< تتمنى

وعشان كذا انشأمجلس الشعب الحر وهو مجلس صوري يعني بعد ما يتخذ ابوي

القرارات ويوقع عليها يرسل نسخه للمجلس عشان يصوتون عليها ومصير الاصوات

الذهاب في جوله عالميه مع الريح واللي في راس ابةي هو اللي يمشي

االان عرفتوا ليه ابوي يستعين بـ(قريندايزر) لانه يؤمن بالحريه الشخصي <<والله

لو يسمعني بس...

موضوع رائع من جد يعني خاصه المستطيل هههههه

مشكوره...