واحد على نياته..

كان فيه واحد على نياته

جرب يستثمر امواله

وكان عنده ببغاء يتكلم

لكن مشكله الببغاء ..انه كل ماشاف راعيه قال: ياغبي ياغبي ياغبي!!

راعيه ضاق صدره..فقرر ياخذ الببغاء لراعي الطيور المدرب علشان يعدله.

يامدرب الطيور: شف لك صرفه مع هذا الببغاء..كل ماشافني فشلني عند الناس غبي..غبي!!

ابغاك تدربه زين وتعدل كلامه علشان يغير الكلمات اللي يرددها كل ماشافني

قال المدرب: ماعليك اتركه عندي كم من يوم.

ولما راح راعيه جاب المدرب سطل مويه حار وحطه قدامه وسأل الببغاء..انا مين؟؟

قال الببغاء: انت صديق الغبي

وينزله المدرب بالمويه الحاره ويطلعه ويقول له انا مين؟؟

قال الببغاء: انت صديق الغبي

وينزله المدرب بالمويه ويرفعه كم مره ويسأله لييييييييين تعدل..

وعلى هالحال تربى الببغاء وتسنع..

اخيرا قال المدرب انا مين؟؟

قال الببغاء انت صديق اذكى واحد بالعالم

ويوم جا راعي الببغاء ..قال المدرب تفضل اسأله..

قال راعي الببغاء :انا مين؟؟

قال الببغاء: انت مين وهذا سؤال!! انت الذكي..الا انت اذكى واحد عرفته بحياتي..

قال له راعيه :طيب..واذا لعبت بفلوسي على كيفي؟؟

قال الببغاء:هذي فلوسك من عرق جبينك تسوي فيها اللي تبي..

قال راعيه: طيب اذا دخلت فلوسي عند هايتكو

قال الببغاء: ممتاز,حركه استثماريه في غايه الذكاء..ومن اذكى واحد بالعالم

قال :طيب واذا دخلت فلوسي عند "الجمعه"؟

قال الببغاء: طبيعي,تنويع استثماري ومن اذكى واحد بالعالم

قال : طيب واذا دخلت فلوسي عند ابن حسن؟؟

قال الببغاء :ذكاء خارق..وماشي مع الحكمه اللي تقول"لاتحط البيض في سله وحده" فعلا انت اذكى واحد بالعالم

قال : طيب واذا دخلت فلوسي عند العيد؟؟

قال الببغاء: عادي مثل مايقولون الحشر مع الناس عيد..صحيح انك اذكى واحد بالعالم.

قال : طيب واذا دخلت فلوسي بالاسهم؟؟

قال الببغاء :ياعمي هااااات المويه الحااااره..!!قايللك هذا اغبى وادبش واحد بالعالم!!

ههههههههههههههههههههههههههههههههه
الله يرجه ذا الببغاء المنتهى ولله انه بطل ههههههههههههه

خلاص بحجز لك واحد

بس اذا شافك تتوقع وش يقول؟؟؟

انتظر الرد..