وابتديت اكتب بداية فصل عنوآنه (آلنهآية)..

بعد مامرت سنين

وزاد في دمي الحنين

قلت: أبمر الاماكن...!

أشتهي غبار المساكن

كانت اللحظه جنون...

وكان فيني الشوق ساكن..!

ورحت لملمت البقايا

والشظايا

بكتب آخر فصل تحويه الحكاية

وفي مسافات الطريق

كنت في الذكرى غريق..!

وانتهت فيني المسافة

وابتدت غربه ومخافه

جيت حييت المدينة

اللي عنها رحت طفلة إيدي في إيدين أمي

جيتها وفي يديني همي..!

وللاسف كل شي خذلني..!

المكان اللي حضني

هو نفسه اللي رفضني..!

ليه تنسى يا مكان..؟؟

خفت

ضيعت الامان..!

صار اللي ما هقيته

وين بيت وانا طفله قد بنيته؟؟

وين احساس زرعته وما جنيته؟؟

تهت...ضيعت الهدى...

صحت فيهم...

منهو فيكم شاف بيتي؟؟

وما يرد الا الصدى...

وتمتماتي: ليتني ما جيييييييت

ليتني!!

هااه اختي:وش بغيتي؟؟

التفت..

وما عرفت الا العيون

وصوووووت عمره مايهون..

قال": نوره..

والله دنيا

ماعرفتيني يا نوره؟؟

انا اللي عنك ادافع

واتبعك في كل حاره..

اختلط حزني وفرحي..

همس صوه هد صرحي..

وتوه يذكرني المكان..

وتوه يرجع لي الزمان..

وتوووها تحلى الحكاية..

هااه نوره؟

وين صرتي؟

قبل ما انسى

هذي مرتي..!

ذي فلانه ..تعرفيها؟؟

بنت عمي اللي كنتي قبل نلعب تطرديها!!

صح صغيره

بس وربي ان غلاها بوزن ديره!!

تدري نوره؟؟

وربي في مره ذكرتك..عند بابك

الا بسأل...وشهو جابك؟؟

هالسؤال اللي صفعني

ابتسمت له بثقل

وقلت اوراق وشغل

ورحت امشي بكل ثقه..

كأني ادري لوين امشي

والله مادري

انتظرته يقول بدري.؟؟

بس راااح

ونصل حرف بالجراح..

وانتهت فيني المسافه

وانتهيت

وانا توي ماابتديت...

وانتثر حبر الحكايه

وانلغى فصل النهايه!!


مــنـــقــول...