انواع الشباب عند الاشاره .. ونتعرف عليهم...
.
.
.
@النوع الاول:-
هو اللي يستغل وقته ويرتب سيارته ويفتح دروج السياره ويقطع في الفواتير ويرميها في الشارع وفجأه ماتدري الا وهو ناقز في المرتبه اللي ورى ولا تستغرب اذا شفته ناط في شنطة السياره ( الريال مرتب ) وتنفتح الاشاره والاخ مشغول في التنظيف.
@النوع الثاني:-وهو اللي توه يكتشف ان وجهه محتاج تنظيف وصنفره ويسحب المنديل وعلى خشمه واذا خلص طفى السياره عشان ينظف اذنه بالمفتاح وشوي ويقص اظافر يده وماتدري الا وهو رافع رجله يقصقصها هذا اذا كان معه مقص اظافر واذا مامعه فالحل موجود طبعا يقص اظافرة بواسطة اسنانه (قمة النظافة)!!!!!!
@النوع الثالث:-
وهو اكثر واحد يفرح اذا وقف عند الاشاره عشان يستعرض ويرقص هو وخوياه ويرقصون السياره معهم.
@النوع الرابع:-
وهو عكس اللي قبله وهو اللي يشغل شريط أغاني حزيييينه
وانواع القلق والحزن والتفكير وطبعا الاغنيه من كثر ماهي حزينه وقديمه ويكون وجهه موّرم من الصياح وكثر الاحزان
@النوع الخامس:-
مايسمع اغاني وما تسمع غير هواشه وتلعينه على عياله اللي مالين عليه السياره وماتدري الا وهو ساحب العقال (اذا كان لابس جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويصفق عياله بكرتون المناديل اللي ماليه بالسياره والفضل يعود لمحطة البنزين لو تمر من عندهم عطوك كرتون مناديل هديه.
@النوع السادس:-
نادر عندنا الحمدلله
وهو اللي يستغل الوقت ويجلس يشخص ويرش عطر وشوي يحط روج ومعلق الايفرون في اذنه ومشغل شريط انجليزي مسوي يتسمع غربي وانواع التحكيل في السيارات اللي عداله.
@النوع السابع:-
وهو اللي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشاورما في حضنه والفطاير عداله والبيتزا في السيت اللي ورى .
@النوع الثامن:-وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع واللي جمبه طفشان ومشتغل مسجات بالموبايل.
@النوع التاسع والاخير:-
وهو اللي سيارته زحمه مو ناس لا مخلي ثوب ولا سفــره ولا بدله ولا نعال الله يكرمكم الا ومركبها معه عشان يكون تبديل الملابس اسرع عند الاشاره (استغلال لوقته الذهبي) حتى البطانيه يايبنها ويــاه تعرفون الريـال مشغووول طول يومه.
ياترى انت اي واحد فيهم ؟؟؟؟؟
موضوع: انواع الشباب عند الاشاره ,,,, اقصد التماسيح 
