.,((., وعزي لمن مثلي جفى النوم موقه ,.)),.

صباح / مساء , الخيـر ..

قصـيدهـ جميـله معنـى ووقآفيـّه نآدرهـ

ويشرفنـي انقلهآ لكـّم .. يقوٍل ::





البارحـه مـا طـرق الـنـوم مـوقـي
وعزي لمن مثلـي جفـى النـوم موقـه
حيـث ان مالـي فـي زمانـي وفوقـي
وكـم واحـد (ن) مثلـي قليلـه وفوقـه
توقفـت حـتـى مـجـاري عـروقـي
حتى ان دمي ناشـف (ن) فـي عروقـه
بشكي علـى منشـي المخاييـل فوقـي
الواحـد اللـي مـا خبـر حـي فوقـه
ما اشكي على خلقـه ايبـاس الشدوقـي
هراجـهـم دايــم تـلاهـث شـدوقـه
أخصـهـم مــا اذم كــل مخلـوقـي
ولو البشـر مـن طيـن قـاع مخلوقـه
وأدرا كلامـي لا يجـي فـيـه عـوقـي
وأنزهـه عـن كـل عيـلـه وعـوقـه
واقطف مـن جـزال البيـوت العذوقـي
وتحـرم عليـه غيـر قطفـة عـذوقـه
جت من هجوس (ن) صح من كيف سوقي
وبحد عرفي مـا خطـى الفكـر سوقـه
مـا أبـوق عهـد مخلصيـن الحقوقـي
وان زار طالـب حـق نوفـي حقـوقـه
وصـلاة ربـي عـد نـور الشـروقـي
وعـداد مـا بـان الصبـاح بشـروقـه
علـى الرسـول عـداد لـوح البروقـي
وعـد السحـاب اللـي تلاعـج بروقـه






وسلآمتكم .. والعذر والسموحّه شاعرهآ مجهوٍل .. وشكرآ

مشكور اخوي معذور بس الشاعر قوي ليش ماحط اسمه