ماجا على بالي خطاك انت بالذات
لا تعتذر كافي يجي منك اكثر
مات الغرام اللي لك بداخلي مات
ماعاد ينفعك العذر لو تعذر
مقدر خلاص اتحمل اليوم غلطات
مااكذب عليك انا بديت اتغير
بسكات انا جيت وبروح بسكات
اببتعد واقول هذا مقدر
قصرت وسواتك معي ماهي سوات
هذا مع اني فيك ماكنت اقصر
طوفت لك مره ومره مرااات
صبرت بس اليوم ماضني اصبر
واليوم انا نادم على كل مافات
لا تعتذر مادام عذرك تأخر
هذا جزاي اعطي ولا اقول هاات
انا اللي استاهل يجي منك اكثر
للشاعر .. خالد المريخي
موضوع: قصيده للشاعر خالد المريخي جميله 
