ضيقتي راحت
انا لاقلت لي وشلونك وانا ضايق اقول بخير
مدامك سائلن عني اكيد ان ضيقتي راحت
انا من كثر ماحبك اشوفك في عيوني غير
تضيق النفس من غيرك ولامن شفتك ارتاحت
احبك كثرماتطري في بالي وتشغل التفكير
كثر ماشيلك بعيني وناس منها طاحت
احبك كثر ماتدمح خطاي ان خانني التعبير
كثر ماخنت الرفقه بكتم اسرارها وباحت
احبك كثر صقار تولع في محبة طير
كثر مادلت الطيب بريحة هيلها فاحت
احبك كثر ماحس بشعور اني عليك اغير
كثر مازيح هالغيره عن افكاري ولانزاحت
احبك كثر مالك داخلي حب وغلا وتقدير
كثر ماغبت عن عيني ودموع امفارقك ساحت
تصدق من عرفتك صرت احبك واكره التغيير
وانا اللي كنت اعشق كل نجمة بالسما لاحت
تأكد كل ماتسئل عن احوالي اكون بخير
مدامك سألن عني اكيد ان ضيقتي راحت
منقول
__________________
موضوع: ضيقتي راحت 
