الأول : كيفك يارجل وكيفو ابوك انشالله تحسن صارلي سنين ما شفتك
التاني : انا ماشي حالي الحمد لله بس الوالد عطاك عمره
الأول :العمر إلك بعرف كان عنده القلب يالله الله يرحمه
التاني : بس والله ما مات من القلب
الأول : كيف توفى
التاني : الله يرحمه بآخر فترة ضعف نظره كتير مرة طلع عالبلكون ما شاف الحفة وقع وبتعرف بيتنا تالت طابق
الأول : له له على هالموتة ، بكل الأحوال الله يرحمه
التاني : والله تعذبنا فيه كتير وعملناله شي 12 عملية لتحسن
الأول :لكان كيف توفى
التاني : صار يحمل عكازة ومرة يقطع الطريق سيارة مسرعة خبطته
الأول : يه يه الله يرحمه
التاني : ربك رحيم كان فيه جار إلنا حطه بالسيارة ولحقه عالمستشفى بس النزيف الداخلي كان رهيب
الأول : الله يرحمو بكل الأحوال
التاني : بس سفرناه على اسبانيا وضلينا شي 6 أشهر نعالج فيه والحمد لله تحسن
الأول : طيب كيف مات
التاني : صار معه فشل كلوي حاد وصرنا ندور على متبرع كلية وتأخرنا وصار معه تسمم
الأول : الله يرحمه ارتاح
التاني : بالصدفة إجا شخص بيعرفه من زمان تبرعله بالكلوة بآآآآآآآآخر نفس
الأول : لكان كيف مات
التاني :والله مرة بالبيت وهو قاعد ما انتبه عالغاز احترقت الشقة وهو لحاله فيها
الأول : يالطيف على هالموتة ما أبشعها الله يرحمه
التاني :بس والله جارنا الله يجزي الخير كسر باب البيت ولحقه بآآآآآآآخر لحظة
الأول : لك فهمنا كيف مات
التاني : والله اضطرينا نطلق عليه الرصاص!!!!!!!!!
موضوع: يووووووووووه 
